وينك ..... ؟

https://www.youtube.com/watch?v=a7tcM1sBcA0

بكره سفر | مسامحك | عثرة فرس | قالوا حبيبك بعيد | اخبار | كلام فاضي | مشيتها .. | روتانا تكرم الراحل صالح الشهري | ماعاد له صوت | جريدة الجزيرة رسايل محبة |
الرئيسية » قصائده » قصــائد

طيب حنون

 

رسالة حب ..

 

طيب حنون ورقته تخجل النور ..

                   وله  هيـبة  الاحسـاس  في قلب  لذاع ..

وفيه الشموخ اللي على الكون مغرور ..

                   وفيـه   الحنـان ... اللي من  الله ابداع ..

                   ***

حبيت من ربي ولا حدني السور ..

                   واهـديــت له  كـلي  ولازال   طـماع ..

في الحزن احبه حتى لو كنت مكسور ..

                   مــا دام هـو  للحـب  والشــوق  فزاع ..

                   ***

اخاف اغار اهيم له كني مسحور ..

                   وان غاب تتلوى على القلب الاضلاع ..

اثور اتجنن اذا صرت مهجور ..

                   الله  كم  في القلب  .. من هم واوجاع ..

                   ***

أخطي عليه من المحبه بلا شعور ..

                   ما يدري  ان الحب .. ماهوب  خداع ..

ويخطي علي واقول ذا شوك بزهور ..

                   حنا  في بحر الحب  واشواقنا  شراع ..

                   ***

لو غيروا قلبه غدى قلبه اصخور ..

                   ما عـاد  يمـدي  كل  قلب  له  اذراع ..

الله عطاني بالهوى نقوة الحور ..

                   واللي هـوى  من  جد ماهوب  بياع ..

                   ***

وان كان هو بالحال والجرح مسرور ..

                   هذي  حـيـاته ..  والله  ماني  بجزاع ..

يختار درب الجرح من عاش بقصور ..

                   ويختار درب الحب من حب الابداع ..

                   *******

                              محمد القرني

                             21/5/2013م

 

 

--
ارسال القصيدة لصديق - لطباعة القصيدة
حقوق النسخ محفوظة لـ موقع الشاعر محمد القرني 2006 - 2017
developed & designed by www.csit.com.sa